完成杜牙根嘅牙齒喺麻醉藥過後，仍有機會有少少不適感，不過呢啲都係正常嘅療程後反應，一般維持3至5日就會消失㗎啦。

有研究顯示，杜牙根嘅成功率可達到85%至90%，但如果杜牙根嘅牙齒出現持續疼痛或突然牙痛復發，就有可能係受感染、牙根斷裂、杜牙根嘅填充物損耗等原因所導致，呢個時候就需要盡快搵牙醫檢查，睇下可以點樣處理啦。

一般嚟講喺杜牙根之後，都要按照牙醫嘅指引，定期做檢查，密切跟進治療後牙齒嘅情況，咁就更加安心啦！