今日係中秋節！大家有冇應節食月餅呀？又最鍾意食邊款月餅呢？食得盡興，固然開心，不過都要小心傷牙！究竟食月餅時要注意啲咩，先可以守衛牙齒健康呢？

月餅含糖量高，唔好食太多，要注意清潔牙齒
一般嘅月餅含糖量都唔少㗎，當口內細菌吸收糖類後，就會產生酸性物質，如果唔注意清潔牙齒，隨時有機會令牙齒嘅琺瑯質被侵蝕，造成蛀牙、牙周病等問題㗎！

蓮蓉黏性較高，配戴矯齒器或假牙者要避免食
月餅內含有蓮蓉等黏性較高的食物，配戴矯齒器或活動假牙嘅人就要避免進食啦，以免矯齒器或假牙難於清潔又或被黏脫。

食月餅牙痛，可能係牙齒警號
如果食月餅嘅時候，覺得牙痛就要特別留意啦，可能係牙齒敏感所致，應該盡快搵牙醫，針對背後原因對症下藥處理！