針對牙齒外傷、嚴重蛀牙等情況，經牙醫評估後可能會建議進行杜牙根療程，清除受感染嘅牙髓組織，以保留牙仔，咁你可能會問抽走牙內神經後，咪等同於整死咗隻牙？

牙齒去到要杜牙根嘅地步，即係代表牙齒內嘅牙髓已經無得救，反之杜牙根療程可以清除牙髓腔嘅細菌，阻止感染蔓延至其他組織，等牙仔有機會成功保存落嚟，所以變相係救返隻牙仔先啱㗎！

而雖然成功完成療程之後，個隻牙仔會失去對溫度改變嘅感覺，亦會變得較為脆弱，但只要加埋牙套保護，同注意相關護理，杜牙根牙齒嘅壽命就可以更加長久啦！