杜牙根係修補並保留嚴重蛀牙嘅終極方案,有研究指出,杜牙根嘅成功率可達到85%至90%,所以如蛀牙嘅牙齒根部仍然穩固,牙醫一般都會建議先做杜牙根。不過如果有以下情況,就未必一定適合做啦,其中包括:
牙齒因嚴重蛀壞或崩裂,已無法修補
患嚴重牙周病,牙齒變得鬆動
蛀牙嘅牙根系統太複雜,牙醫評估後認為杜牙根成功率不高
唔想面臨剝牙危機,平時除咗要有良好潔齒習慣,定期洗牙同檢查牙齒都好重要㗎!萬一有牙齒不適就更加要盡快搵牙醫檢查,咁先可以及時跟進並進行最適切嘅處理。唔知自己是否適合做杜牙根,快啲諮詢牙科醫生意見!