杜牙根療程期間，會取走牙齒內受感染嘅神經線同血管，但係成功保存落嚟既牙齒，有機會因為失去咗牙髓內嘅血液供應，而慢慢變黃，甚至變灰黑，影響外觀。

不過又唔洗太擔心！牙醫一般會喺療程之後評估牙齒嘅情況， 有需要會建議喺牙齒鑲配牙套，一方面可以減低之後牙齒咬崩嘅機會，另一方面又唔洗擔心牙齒變色嘅問題，一舉兩得！

而現時牙套嘅透光度高，想提升牙齒套上牙套後嘅效果，都可以喺牙醫評估後，睇吓可唔可以喺做牙套前先進行牙內漂白，咁效果就會更加美觀同自然啦！

對杜牙根療程有疑問，快啲問吓牙科醫生嘅意見啦！