你幾耐洗一次牙？?定期洗牙除咗可以守護口腔健康，原來同心臟健康都息息相關㗎！即刻睇吓洗牙有咩好處！

1-預防牙周病、蛀牙

洗牙可以清除黏附喺牙齒嘅牙石、牙菌膜同牙漬，令到牙齒變返乾淨同平滑，減低患牙周病、蛀牙嘅機會。

2-預防口臭

口腔衛生唔好，分分鐘導致蛀牙、牙周病等問題，呢啲都係引致口臭嘅其中一個元兇！而定期洗牙可以維持良好嘅口腔環境，防止呢啲問題而導致嘅口臭！

3-及早發現口腔問題

好多口腔疾病好似蛀牙、牙周病等，初期都係冇明顯徵狀㗎，亦唔會自行痊癒。定期洗牙可以及早發現呢啲問題☑，盡快做牙科治療跟進！

4-降低心血管疾病風險

有研究用7年追蹤咗10幾萬人發現，比起從來冇洗過牙嘅人，定期洗牙嘅患心臟病同中風嘅風險，足足可以分別減少24％同13％㗎！提提大家~我哋建議每半年至1年就要洗一次牙啦，咁先可以保持牙齒處於最佳狀態㗎嘛！