大牙嘅咀嚼面坑紋較深同較窄，刷牙個陣就比較難清除積藏喺個度嘅牙菌膜，久而久之，就會增加蛀牙嘅機會啦！

不過都唔洗太擔心，如果有呢個情況，牙醫或會建議喺牙齒塗上牙紋防蛀劑，佢係一種無味、接近牙齒顏色嘅複合樹脂牙科物料，塗咗之後可以填充坑紋，令牙齒表面變得較平坦，有助日常清潔牙齒，減少蛀牙危機！

想全方位防止蛀牙，建議除咗平日好好清潔牙齒，每半年至1年都要洗牙同檢查牙齒呀~