牙齒被嚴重蛀壞唔可以杜牙根、橫生智慧齒、配合箍牙療程等，都有機會需要剝牙~但你有冇聽過原來剝牙之後唔可以即刻吐口水？下面睇解釋

剝咗牙齒之後，傷口上會有一層血塊，同時咬緊紗布，就可以達到固定血塊保護傷口嘅作用；反之，如果將口水吐出，就有機會令紗布移位，繼而有可能令血塊脫落，令止咗血嘅傷口再次流血，增加感染發炎嘅機會~

另外提提大家，剝牙後當日亦唔適宜漱口、做劇烈運動同飲酒精飲品等。如出現傷口大量出血，就要盡快見牙醫，或者盡快去醫院急症室求醫啦~

如對剝牙有疑問，快啲諮詢牙科醫生意見啦！