【關於洗牙的四大迷思】

講起「洗牙」🦷💦，相信唔少人都會有以下疑問：洗牙會唔會傷害琺瑯質？令牙齒變得鬆、敏感，或者更白？呢啲都係洗牙最常見嘅迷思，今次希小牙就為大家逐一拆解！

1️⃣ 洗牙會傷害琺瑯質？
琺瑯質硬度係人體最堅硬嘅組織，洗牙過程中，主要係利用超音波震盪原理，將堆積嘅牙結石震落及清除，所以唔使擔心洗牙會對琺瑯質構成傷害。

2️⃣ 洗牙後會令牙齒變鬆？
嚴重嘅牙周病患者可能會有牙齒鬆脫嘅問題。長期累積嘅牙結石令牙齦反覆發炎，可能導致牙齦萎縮、齒槽骨被吸收，當牙結石被清除後，牙齒才可能鬆脫，所以要定期檢查牙齒，正常情況下不用擔心。

3️⃣ 洗牙後牙齒會變得敏感痠軟？
由於牙根暫時暴露，洗牙後牙齒可能會變得敏感。我哋建議喺洗牙後一至兩個星期內避免進食過冷、過熱或高糖分嘅食物，並保持口腔清潔。

4️⃣ 洗牙可以令牙齒變白？
洗牙唔一定會令牙齒變白，主要係將堆積喺牙齒上嘅牙結石清除乾淨，如果牙齒因飲食或者吸煙導致變色，又或者本身顏色偏黃，洗牙後並唔會令牙齒變白。如果想美白牙齒，可以做藍光美白，詳情請諮詢牙科醫生嘅意見。

💡口腔健康，從「齒」開始！定期洗牙可以預防牙齦病，同時亦可以發現隱藏嘅口腔問題，預防勝於治療，一齊嚟為口腔健康把關💪！

🏻想知更多牙科資訊？快啲follow @cmerdental 啦～

立即預約/查詢👉9512 8192 (WhatsApp)